森美自爆疑患罕见口腔癌,险令森美得翻2年

森美自爆疑患口腔色素瘤　唔敢同屋企人講：冇講畀仔女、父母聽

近日森美接受网台节目访问时，自爆口腔有色素瘤，节目中的他说初时候并没有多留意，还以为只是一粒墨而已。今天（15日）他出席公开活动时也想趁著这机会向传媒交代，他说：「我上年拍《过街英雄》时刷牙见到口腔有黑色嘢，我初头都冇乜事意识係一件咩事情。到今年四月我去睇牙，牙医同我讲口腔有黑色素，佢叫我睇专科。之后我先上网睇咩事，原来可能係色素瘤，係皮肤癌一种，比较罕见，但喺口腔裡面仲罕有。咁真係睇咗好多资料，如果呢个色素瘤係恶性真係好严重，所以都即刻去睇医生排期做手术。」

当时做完手术后还要等化验结果是良性还是恶性，在等待结果期间需要一个月时间，这一个月当中令森美对人生的想法改观：「我呢段时间生活都唔同咗，心情当然差，因为如果口腔呢个色素瘤真係恶性，存活只得两年。当时做好多事情都觉得係最后一次，如果要治疗我都唔会再做工作，要养病。所以拍摄《娱乐大家》时候会谂係咪最后一次呢，突然成个人好寛容，以前会嬲口嬲面，依家咪笑多咗。电台等其他工作时候都问自己係咪最后一次。」

结果化验出了是良性，森美当然鬆了一口气。等候期间森美指自己学懂了「珍惜」，他说：「我好珍惜屋企，咁当时会谂啲仔女仲有咩未教佢哋呢？然后个女做功课我会坐佢身边睇佢囉，佢平时做功课我会坐侧边睇电视，佢会谂我做咩事呢？咁我会珍惜呢啲机会。咁啱个段时间我老婆去左英国陪囝囝会考，我就一个人喺屋企。咁有孤单，但都有好嘅一面，当一个人孤单，我会祈祷。好彩老婆喺英国，分开咗唔会成日惊，如果喺身边喊苦喊忽可能仲多。人就好衰，当有考验人会识珍惜，爱身边人多咗，但冇事就会变返普通人，希望呢个警剔畀自己耐啲。」

森美笑言回想起当时候，除咗同老婆讲之外，唔敢同其他家人透露呢件事：「我冇讲畀仔女听，冇讲畀爸爸妈妈听，只讲咗畀老婆同工作有需要知嘅朋友听。譬如电台拍挡小仪同TVB监製听，因为我想等结果出嚟先，我唔想屋企人担心。节目出咗街我都收到好多朋友关心。而老婆听到时候好冷静，因为要一齐面对，反而知道冇事大家都一齐喊，好感动，好开心，我喊住咁讲冇事。」

转载请注明：http://www.lonkn.com/wadzz/11491.html